सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिआज नाग पञ्चमी : घरको मूलढोकामा नागको फोटो टाँसी विधिवत पूजा आरधना गरिँदै
२०८० भदौ ४ सोमवार ०७:५८
175
shares
shares
काठमाडौं: घरको मूलढोकामा नागको फोटो टाँसेर पूजा आरधना गर्दै धुमधामका साथ आज नाग पञ्चमी देशभर मनाइँदै छ ।
नाग पञ्चमीका दिन विशेष गरी नव नाग अनन्त, वासुकी, शेष, पद्मनाभ, कम्बल, शंखपाल, धृतराष्ट्र, तक्षक र कालीय नागको पूजा गरिन्छ ।
प्रत्येक वर्ष श्रावण शुक्ल पञ्चमीका दिन बिहानै घर दैलो सफा गरी शुद्ध गरेर मूलढोकामाथि विभिन्न रंग प्रयोग गरी बनाइएको नागको चित्र गोबरले टाँसी गाईको दूध र दुवो चढाई पूजा अर्चना गर्ने परम्परा छ ।
रोपाइँका लागि पानी पार्न नागहरूले सहयोग गरेको र अब रोपाइँ सकिएकाले उनीहरूप्रति कृतज्ञता ज्ञापन गर्न त्यसरी पूजा अर्चना गरेको भन्ने लोककथन छ । यस दिन काली नागको बासस्थान रहेको विश्वास गरिएको पाटनको धापाखेल, कर्कोटक नागको बासस्थान टौदह र नक्सालको नाग पोखरीमा मेला लाग्ने गर्दछ ।
साभार : अखबार नेपाल
