त्रिवि स्ववियू सभापतिलाई सिनेटबाट नहटाउनु : सर्वोच्च अदालतकाठमाडौं-६ मा रास्वपाका खनाल निर्वाचित
२०८२ फागुन २२ शुक्रवार १९:१७
1.07K
shares
shares
काठमाडौं । बिहीबार भएको प्रतिनिधिसभा सदस्य निर्वाचनअन्तर्गत काठमाडौं क्षेत्र नं ६ मा राष्ट्रिय स्वतन्त्र पार्टी (रास्वपा)का शिशिर खनाल विजयी हुनुभएको छ । खनालले २७ हजार ७१९ मत ल्याएर विजयी हुनुभएको निर्वाचन अधिकृत चपला पोखरेलले जानकारी दिनुभयो ।
कुल ३४ हजार ४७३ मत खसेको थियो । उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ र नेपाल कम्युनिष्ट पार्टी (एमाले)का अमनकुमार मास्केले चार हजार ३७३ मत पाउनुभएको उहाँले बताउनुभयो ।
निर्वाचित खनाल पूर्वशिक्षा, विज्ञान तथा प्रविधिमन्त्रीका साथै काठमाडौं क्षेत्र नं ६ का निर्वाचित प्रतिनिधिसमेत हुनुहुन्थ्यो । उहाँले टेक फर नेपालमार्फत सात वर्ष सरकारी विद्यालयको गुणस्तर सुधार र अभियानमा नेतृत्व गर्नुभएको थियो ।
तुलसीपुर उपमहानगरपालिकासँग सहकार्य गर्दै स्थानीय नीतिनिर्माणमा योगदान दिनुभएका उहाँले सर्वोदय श्रमदान अभियानमार्फत नेपाल, श्रीलङ्का र अमेरिकामा सामाजिक रुपान्तरणमा सक्रिय भूमिका खेल्नुभएको छ । उहाँले सन् २०१५ भूकम्प पीडितका लागि राहत वितरणमा समन्वय गर्नुका साथै सन् २०२० मा टोलटोलमा सिकाइ अभियानका लागि वैकल्पिक शिक्षणको ढाँचा विकासमा जोड दिँदै आउनुभएको थियो ।
