सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिउदयपुरमा वनभोज खाएर फर्किने क्रममा बस दुर्घटना, चालकसहित ३ को मृत्य, दर्जनौँ घाइते
२०८० मंसिर ९ शनिवार ०९:४१
189
shares
shares
उदयपुर : वनभाेज खाएर फर्किने क्रममा मदन भण्डारी राजमार्ग अन्तर्गत उदयपुरगढी गाउँपालिका–७ अँधेरीमा त्रियुगा नगरपालिका–५, अन्नपूर्ण स्कुलको बस दुर्घटना हुँदा चालकसहित ३ जनाको मृत्यु भएको छ भने दर्जनौं गम्भीर घाइते भएका छन् ।
जिल्ला प्रहरी कार्यालय उदयपुरका प्रवक्ता एवं प्रहरी नायव उपरीक्षक हरिनन्दन चौधरीकाअनुसार दुर्घटना अपरान्ह १ बजेतिर भएको जनाइएको छ ।
वनभाेज खाएर फर्किने क्रममा बस दुर्घटना भएको चौधरीले जानकारी दिएका छन् । बसमा ३५ जना जति रहेको अनुमान प्रहरीको छ ।
घाइतेहरुलाई जिल्ला अस्पताल उदयपुरमा पुर्याइएको र गम्भीर अवस्थाका घाइतेहरुलाई विराटनगरतर्फ रेफर गर्ने तयारी भइरहेको जनाइएको छ । ३४ जनालाई जिल्ला अस्पताल उदयपुरमा ल्याइसकिएको र उनीहरुको उपचार सुरु भएको जनाइएको छ ।
विस्तृत विवरण आउन बाँकी रहेको प्रहरी नायव उपरीक्षक चौधरीले बताउनु भएको छ ।
यस घटनाका बारेमा उदयपुरबाट घटनाको प्रत्यक्षदर्शी चित्र कुमार कार्कीले कार्कीले आर्टिकल्स पेपरलाई जानकारी दिनुभएको छ ।
