आईसीसी पुरुष क्रिकेट विश्वकप क्वालिफायर नेपालले आयोजना गर्नेबैंकिङ कसुरको आरोपमा प्रभु बैंकका फाइनान्स विभागका प्रमुख दिनेश डङ्गोल पक्राउ
२०८२ चैत ४ बुधवार १०:४८
1.81K
shares
shares
काठमाडौं । नेपाल प्रहरीको साइबर व्यूरोले बैंकिङ कसुरको आरोपमा प्रभु बैंकका कर्पोरट एण्ड प्रोजेक्ट फाइनान्स विभागका प्रमुख दिनेश डङ्गोललाई पक्राउ गरेको छ ।
ब्यूरोले प्रतिवादी अशोक शेरचन समेत माथि अनुसन्धान भइरहेको बेला थप तथ्य प्राप्त भएपछि डङ्गोललाई पक्राउ गरेको हो । सो बैंकको महत्वपूर्ण विभागमा कार्यरत डङ्गोलले नेपाल राष्ट्र बैंकबाट जारी भएको निर्देशन तथा प्रचलित कानून विपरित कार्य गरेको तथा प्रभु म्यानेजमेन्ट प्रालि समेतमा प्रवाह ऋणमा कर्जा दुरुपयोग गरेको पाइएको छ ।
आरोपी डङ्गोलमाथि जिल्ला अदालत काठमाडौँबाट अनुमति लिई थप अनुसन्धान भइरहेको ब्यूरोका सूचना अधिकारी शिवकुमार श्रेष्ठले जानकारी दिनुभयो ।
