नास्ट सुधारको बहस : बाह्य संरचना कि आन्तरिक प्रणालीवायु प्रदूषण नियन्त्रणका लागि विश्व बैंकबाट ७ अर्बभन्दा बढी ऋण स्वीकृत
२०८२ फागुन २७ बुधवार ११:२४
2.04K
shares
shares
काठमाडौं । नेपालमा बढ्दो वायु प्रदूषण घटाउने र वायु गुणस्तर सुधार गर्ने उद्देश्यसहित विश्व बैंकले करिब ७ अर्ब ७ करोड २० लाख रुपैयाँ बराबरको ऋण सहयोग स्वीकृत गरेको छ।
वाशिङ्टन डिसीस्थित विश्व बैंकको मुख्यालयका अनुसार उक्त रकम ‘नेपाल क्लिन एयर एन्ड प्रस्पेरिटी प्रोजेक्ट’ सञ्चालनका लागि प्रदान गरिएको हो । यो परियोजना विशेषगरी काठमाडौं उपत्यका तथा वायु प्रदूषणको उच्च जोखिममा रहेका तराईका केही क्षेत्रमा कार्यान्वयन गरिनेछ ।
परियोजनाअन्तर्गत करिब ४ सय उद्योग तथा व्यावसायिक संस्थानलाई वातावरणमैत्री र धुँवारहित प्रविधिमा रूपान्तरण गर्ने लक्ष्य राखिएको छ । यसमार्फत उद्योगबाट निस्कने धुँवा तथा प्रदूषण घटाई वातावरण सुधार गर्ने योजना रहेको जनाइएको छ ।
उक्त परियोजना उद्योग, वाणिज्य तथा आपूर्ति मन्त्रालयअन्तर्गतको उद्योग विभाग, वन तथा वातावरण मन्त्रालय तथा वातावरण विभागमार्फत कार्यान्वयन गरिने विश्व बैंकले जारी गरेको प्रेस विज्ञप्तिमा उल्लेख गरिएको छ ।
