सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिसिरहा–३ का उम्मेदवार यादव ४ लाख ८७ हजार नगदसहित पक्राउ
२०८२ फागुन २० बुधवार १०:४१
448
shares
shares
सिरहा । प्रतिनिधिसभा सदस्य निर्वाचनको मौन अवधिमा ठूलो परिमाणमा नगद बोकेको आरोपमा जनता समाजवादी पार्टी (जसपा) नेपाल का सिरहा क्षेत्र नं. ३ का उम्मेदवार अशेश्वर यादवलाई प्रहरीले पक्राउ गरेको छ ।
प्रहरीका अनुसार निर्वाचन आचारसंहिताविपरीत गतिविधि भइरहेको सूचनाका आधारमा नेपाल-भारत सीमास्थित माडरबाट सिरहा सदरमुकामतर्फ आउँदै गरेको प्र२-०२-००१च ०८७ नम्बरको स्कारपियो गाडीलाई शिवचोकमा राति करिब १२:३० बजे संयुक्त चेकजाँच गरिएको थियो।
चेकजाँचका क्रममा गाडीबाट चार लाख ८७ हजार रुपैयाँ नगद बरामद भएपछि उम्मेदवार यादवसहित पाँच जनालाई नियन्त्रणमा लिइएको जिल्ला प्रहरी कार्यालय सिरहाले जनाएको छ । मौन अवधिमा ठूलो परिमाणमा नगद ओसारपसार गर्नु निर्वाचन आचारसंहिता विपरीत हुने भएकाले उनीहरूलाई नियन्त्रणमा लिइएको प्रहरीको भनाइ छ।
नियन्त्रणमा लिइएका व्यक्तिहरूलाई जिल्ला प्रहरी कार्यालयमा राखिएको छ । आवश्यक अनुसन्धान तथा थप कारबाहीका लागि मुख्य निर्वाचन अधिकृतको कार्यालयमा पठाउने तयारी भइरहेको प्रहरीले जनाएको छ ।
यादव यसअघि २०७४ सालको स्थानीय तह निर्वाचनमा तत्कालीन संघीय समाजवादी फोरमबाट सिरहा नगरपालिकाको प्रमुखमा निर्वाचित हुनुभएको थियो ।
