रास्वपा सभापति लामिछानेद्वारा विजयादशमीको शुभकामना, विपत्तिमा एकताबद्ध हुन आह्वानआचारसंहिता उल्लंघनका ८७ उजुरीमा स्पष्टीकरण, ५७ ले मात्र दिए जवाफ
२०८२ फागुन १४ बिहीवार १२:४२
1.93K
shares
shares
काठमाडौं । प्रतिनिधिसभा सदस्य निर्वाचनअन्तर्गत आचारसंहिता उल्लंघनसम्बन्धी हालसम्म प्राप्त ८७ उजुरीका विषयमा राजनीतिक दल तथा उम्मेदवारसँग स्पष्टीकरण माग गरिएको छ । तीमध्ये ५७ वटाको जवाफ प्राप्त भएको निर्वाचन आयोगले जनाएको छ ।
आयोगका अनुसार ८१ जनासँग लिखित स्पष्टीकरण सोधिएको छ भने ६ जनासँग पुनः स्पष्टीकरण माग गरिएको छ । उजुरी परेका राजनीतिक दल, उम्मेदवार, सरकारी तथा गैरसरकारी संस्था, सञ्चारमाध्यम र पत्रकारसँग पनि स्पष्टीकरण सोधिएको छ ।
दर्ता भएका सञ्चारमाध्यम र तिनमा आबद्ध पत्रकारका हकमा भने कारबाही प्रक्रियाका लागि प्रेस काउन्सिल नेपालमार्फत लेखी पठाइएको आयोगले जनाएको छ ।
निर्वाचन विश्लेषणका नाममा मत सर्वेक्षण प्रकाशन गर्दै दल वा उम्मेदवार विशेष निर्वाचित हुने दाबी गरिएको सामग्रीबारे सेतोपाटी सँग पनि प्रेस काउन्सिलमार्फत स्पष्टीकरण मागिएको छ ।
जिल्लास्तरमा समेत आचारसंहिता उल्लंघनविरुद्ध उजुरी दर्ता भई आवश्यक कारबाही अघि बढाइएको आयोगले जनाएको छ । प्राप्त ५४ जवाफको अध्ययन भइरहेको र उल्लंघनका घटनालाई न्यूनीकरण गर्न आवश्यक जाँचबुझ तथा प्रक्रिया तीव्र पारिएको जानकारी दिइएको छ ।
