सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिमतदाता शिक्षा कार्यक्रम आजदेखि सकिँदै, सोमबार मध्यरातिबाट मौन अवधि लागू
२०८२ फागुन १७ आइतवार १२:१६
532
shares
shares
काठमाडौं । निर्वाचन आयोगले प्रतिनिधिसभा सदस्य निर्वाचनका लागि सञ्चालन गर्दै आएको मतदाता शिक्षा कार्यक्रम आजदेखि औपचारिक रूपमा समापन गर्ने भएको छ ।
निर्वाचन शिक्षा तथा मतदाता शिक्षा निर्देशिका, २०७८ अनुसार आयोगले फागुन ३ गतेदेखि देशभर विशेष मतदाता शिक्षा अभियान सञ्चालन गरेको थियो। बदर मतको संख्या घटाउने उद्देश्यसहित करिब २५ करोड रुपैयाँ बजेट विनियोजन गरी कार्यक्रम सञ्चालन गरिएको आयोगले जनाएको छ ।
यसैबीच, सोमबार राति १२ बजेदेखि मौन अवधि सुरु हुनेछ । मौन अवधि लागू भएपछि राजनीतिक दल तथा उम्मेदवारहरूले जुलुस, आमसभा, प्रचार-प्रसारलगायत कुनै पनि चुनावी गतिविधि सञ्चालन गर्न पाउने छैनन् । दलहरूले सोमबार रातिसम्म मात्रै प्रचार कार्यक्रम गर्न पाउने व्यवस्था छ ।
चुनावका दिन अत्यावश्यक सेवासम्बन्धी सवारीसाधनलाई भने कुनै प्रकारको पास आवश्यक नपर्ने आयोगले स्पष्ट पारेको छ । सवारीसाधन सञ्चालनसम्बन्धी व्यवस्थापनलाई प्रभावकारी र सेवा-मैत्री बनाउन सवारीसाधन अनुमति कार्यविधि, २०८२ अनुसार दमकल, एम्बुलेन्स, शववाहन, खानेपानी, दूध, फलफूल, तरकारी, माछा, मासु तथा पेट्रोलियम पदार्थ बोकेका सवारीसाधन निर्वाध सञ्चालन गर्न सकिने व्यवस्था गरिएको छ ।
प्रतिनिधिसभा निर्वाचन हुन अब चार दिन मात्र बाँकी रहेको छ ।
