सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिकांग्रेसलाई पाँच वर्ष देश जिम्मा दिन सभापति थापाको आग्रह
२०८२ फागुन १४ बिहीवार २१:३२
798
shares
shares
बाँके । नेपाली कांग्रेसका सभापति गगनकुमार थापाले पाँच वर्ष देश चलाउने जिम्मा कांग्रेसलाई दिन आग्रह गर्नुभएको छ । उहाँले आगामी चुनावपछि काम गरेर देश अघि बढाउनुपर्ने बताउनुभयो ।
बाँकेको जानकी गाउँपालिका–३ मा आज बिहीबार आयोजित चुनावीसभामा सभापति थापाले मतदातालाई घरघरमा गएर रुखमा मतदानका लागि अनुरोध गर्दै उक्त कुरा बताउनुभएको हो ।
बाँकेका मतदातालाई उहाँले स्व. सुशील कोइरालाले बनाएको संविधानको राजमार्गमा कांग्रेसको गाडी रफ्तारमा दौडाउने उल्लेख गर्नुभयो । सुशासनका लागि आगामी पाँच वर्षका लागि कांग्रेसले ‘एक्स्ट्रा अर्डिनरी’ तरिकाले काम गर्नुपर्ने उहाँको भनाइ छ ।
विसं २०४६ पछिका भ्रष्टाचारका मुद्दा छानबिन गर्ने भन्दै सभापति थापाले हिजो गरेका गल्ती सच्याउने र हिजोको फोहोर सफा गरिने बताउनुभयो । ‘पेटमा भोक छ, आँखामा सपना छ अनि संकल्पसहित अघि बढ्ने योजना छ,’ उहाँले भन्नुभयो ।
