सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिपोर्चुगलमा मनाइयो ७६औँ प्रजातन्त्र दिवस
२०८२ फागुन ८ शुक्रवार १०:३७
490
shares
shares
काठमाडौँ । नेपाल-पोर्चुगल द्विपक्षीय परामर्श संयन्त्रको बैठकमा सहभागी हुन लिस्बन पुगेका परराष्ट्र मन्त्रालयका सचिव अमृतबहादुर राई र पोर्चुगलका परराष्ट्र तथा सहयोग मामिलासम्बन्धी सचिव डा. अना इसाबेल जेभियरले बिहीबार विशेष समारोहका बीच लिस्बनस्थित नेपाली दूतावासको चान्सरीको संयुक्त रूपमा उद्घाटन गरेका छन् ।
उक्त अवसरमा परराष्ट्र सचिव राईले दूतावास स्थापनामा पोर्चुगल सरकारले गरेको सहयोगप्रति हार्दिक कृतज्ञता व्यक्त गर्दै दूतावासले दुई देशबीचको सम्बन्धलाई अझ सुदृढ बनाउन सेतुको भूमिका खेल्ने विश्वास व्यक्त गरे ।
दूतावासका अनुसार पोर्चुगलका परराष्ट्र सचिवले पोर्चुगलमा नेपाली दूतावासको आतिथ्य पाउँदा खुसी व्यक्त गर्दै यसको सहज सञ्चालनका लागि पोर्चुगल सरकारले निरन्तर सहयोग गर्ने प्रतिबद्धता जनाए ।
लिस्बनस्थित कूटनीतिक समुदायका ‘डिन’ एन्ड्रेस कारास्कोसा कोसोले कूटनीतिक ‘कर्पस्’मा नयाँ सदस्यका रूपमा नेपाली राजदूत प्रकाशमणि पौडेलाई स्वागत गरे ।
बिहीबार साँझ नेपाली दूतावासले ७६औँ प्रजातन्त्र दिवसका अवसरमा पोर्चुगलमा रहेका आप्रवासी तथा नेपाली समुदायका संस्थाका प्रतिनिधिहरूको उपस्थितिमा स्वागत समारोह आयोजना गरेको थियो ।
