रास्वपा सभापति लामिछानेद्वारा विजयादशमीको शुभकामना, विपत्तिमा एकताबद्ध हुन आह्वानकाठमाडौँ उपत्यका भित्र सुर्तिजन्य पदार्थ बेचविखनमा प्रतिबन्ध
२०८० मंसिर २७ बुधवार १३:५१
1.69K
shares
shares
काठमाडौँ : काठमाडौँ महानगरपालिकाले काठमाडौँ उपत्यका भित्र सुर्तीजन्य पदार्थ बेचबिखनमा प्रतिबन्ध लगाएको छ । बुधबार काठमाडौंमा महानगरपालिकाको पत्रकार सम्मेलनमार्फत मंसिर २८ गतेदेखि सुर्तिजन्य पदार्थ कच्चा सुर्ति, खैनि, गुट्टका, सुर्तिहरु प्रतिबन्ध गरिएको जानकारी दिएको हो ।
काठमाडौं महानगरपालिकाका प्रवक्ता नविन मानन्धरले पत्रकार सम्मेलनमा बोल्दै मंसिर २८ गतेदेखि काठमाडौंभित्र सुर्तिजन्य पदार्थ प्रतिवन्ध गरिएको साथै कसैले चेचबिखन गरेको थाहा पाए पसलसमेत बन्द गर्ने बताए छन् । उनले महानगरपालिकाले सार्वजनिक स्थलको एक सय मिटर वरिपरि चुरोट बेच्न र धुम्रपान गर्न पनि प्रतिवन्ध लगाएको बताए ।
पसलमा बेचेको पाइए दुई पटकसम्मलाई सामान जफत गरिने र तेस्रो पटक पनि बेचेको पाइए पसल नै बन्द गर्ने चेतावनी दिइएको छ । अनुगमनको लागि महानगरपालिकाले सादा पोशाकमा १० जनाको टोलीमा नगर प्रहरीलाई खटाउने बताइएको छ । पहिलो चरणमा अनुगमनको लागि ५० जना नगरप्रहरी परिचालन गरिने प्रवक्ताको भनाइ थियो । उनले सार्वजनिक स्थलमा धुम्रपान गरेको पाइए एक सय रुपैयाँसम्म जरिवाना गरिने बताए ।
जनस्वास्थ्यमा परेको प्रतिकुल प्रभाव रोक्न, शहरी सौन्दर्यता कायम राख्न र भूमी तथा वातावरणीय असर न्युनीकरण गर्न सुर्तीजन्य पदार्थ बेचबिखनमा प्रतिवन्ध लगाएको नगरपालिकाले बताएको छ ।
