सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिविश्व कीर्तिमानी बन्दनाले खोलिन् अमेरिकामा डान्स स्टुडियो
२०७९ फागुन २८ आइतवार १५:४६
175
shares
shares
आर्टिकल्सपेपर, काठमाडौँ । लामो समयसम्म लगातार नृत्य गरेर विश्व कीर्तिमान राख्न सफल धनकुटाकी बन्दना नेपालले अमेरिकास्थित युलेस सहरमा डान्स स्टुडियो खोलेकी छन् ।
उक्त डान्स स्टुडियोको नाम “मारुनी डान्स स्टुडियो” रहेको छ ।
उनले लगातार १२६ घन्टा लामो समयसम्म नृत्य गरेर विश्व कीर्तिमान राख्न सफल भएकी हुन् । भारतकी Kalamandalam Hemalatha को १२३ घन्टा लामो समयको कीर्तिमानलाई पछि पार्दै बन्दनाले पहिलो स्थान ओगट्न सफल भएकी हुन् ।
मारुनी डान्स स्टुडियोमा नेपाली संस्कृति झल्कने मारुनी, झ्याउरे, तामाङ सेलो, कौडा, देउडा, जुम्बा डान्स लगायत विशेष डान्स कोर्षहरु सिकाइने मारुनी डान्स स्टुडियोकी प्रमुख तथा प्रशिक्षक बन्दना नेपालले जानकारी दिएकी छन् ।
नेपालले “खबर पाएँ…”, “अर्कै साथी” लगायत दर्जनौँ नेपाली म्युजिक भिडियोमा अभिनय गरेकी छन् ।
विश्व किर्तिमानका लागि २०७५ साल मंसिर ७ गतेदेखि १३ गतेसम्म काठमाडौँको बत्तिसपुतलि स्थित बिग फुटल्याण्ड हलमा नृत्यको आयोजना गरिएको थियो ।
उक्त आयोजनामा बन्दना नेपालले विश्व किर्तिमान चुम्न सफल भएकी थिइन् ।
