रास्वपा सभापति लामिछानेद्वारा विजयादशमीको शुभकामना, विपत्तिमा एकताबद्ध हुन आह्वानबेलायती महारानी एलिजाबेथ द्वितीयप्रति श्रद्धाञ्जली !
२०७९ भदौ २४ शुक्रवार १८:३१
1.71K
shares
shares
बेलायती महारानी एलिजाबेथ द्वितीयको ९६ वर्षको उमेरमा बिहीबार (८ सेप्टेम्बर २०२२) निधन भयो । एलिजाबेथ द्वितीय बेलायतको इतिहासमा सबैभन्दा लामो समय शासन गर्ने व्यक्ति बनेकी छन् ।
एलिजाबेथ द्वितीयका पिता राजा जर्ज छैटौंको सन् १९५२ निधन भएपछि एलिजाबेथ द्वितीयले राजमुकुट पहिरिएकी हुन् । त्यतिबेला महारानी एलिजाबेथ २५ वर्षकी थिइन् । त्यसपछि महारानी एलिजाबेथ ७० वर्ष पदमा आसीन भइन् । त्यतिबेला भर्खरै दोस्रो विश्वयुद्ध सकिएको थियो । उनको शासनकालमा बेलायतमा १५ जना प्रधानमन्त्री बने ।
महारानी एलिजाबेथ द्वितीयको पूरा नाम एलिजाबेथ अलेक्जान्ड्रा मेरी विन्डसर हो भने उनको जन्म २१ अप्रिल १९२६ मा लन्डनको मेफेयरमा भएको थियो ।
महारानी एलिजाबेथ द्वितीयको पूरा नाम एलिजाबेथ अलेक्जान्ड्रा मेरी विन्डसर हो भने उनको जन्म २१ अप्रिल १९२६ मा लन्डनको मेफेयरमा भएको थियो । सन् १९३६ डिसेम्बरमा तत्कालीन उत्तराधिकारी तथा एलिजाबेथको ठूलोबुबा एडवर्ड आठौँले राजगद्दीको दाबी त्यागेपछि उनका पिता जर्ज छैटौँ राजा बने । उनका पिता राजा हुँदा उनी १० वर्षकी थिइन् ।
महारानी एलिजाबेथ द्वितीयको सन् १९४७ मा ग्रिसका युवराज फिलिपसँग विवाह भयो । उनीहरूका चार छोराछोरी, आठ नातिनातिना र १२ जना पनातिपनातिना छन् । जसमध्ये अहिले राजा बनेका चार्ल्स जेठो हुन् भने उनीपछि क्रमशः राजकुमारी एनी, राजकुमार एन्ड्र्यु र राजकुमार एडवर्ड छन् ।
स्वर्गीय बेलायती महारानी एलिजाबेथ द्वितीयप्रति हार्दिक श्रद्धाञ्जली !
