अमेरिकामा गैरकृषि क्षेत्रको रोजगारीमा गिरावटसंविधान बमोजिम बन्न बाँकी कानुनहरूको निर्माण कार्य सरकारलेकाे प्राथमिकतामा छन् : प्रधानमन्त्री दाहाल
२०८० भदौ १८ सोमवार १३:४५
203
shares
shares
काठमाडौं: प्रधानमन्त्री पुष्पकमल दाहाल ‘प्रचण्ड’ले संविधान बमोजिम बन्न बाँकी रहेका कानुनहरूको निर्माण कार्यलाई सरकारले प्राथमिकताका साथ अगाडि बढाइरहेको बताएका छन् ।
संविधान बमोजिम बन्न बाँकी कानुनहरूको अध्ययन प्रतिवेदन, २०८० को सम्बन्धमा राष्ट्रिय सभाको बैठकलाई सम्बोधन गर्दै प्रधानमन्त्री दाहालले नेपाल सरकारले संविधान कार्यान्वयन कार्ययोजना बनाइ कानुन निर्माणको कार्यलाई प्राथमिकताका साथ अघि बढाउँदै गइरहेको बताएका हुन् ।
मौलिक हक कार्यान्वयनका लागि आवश्यक पर्ने कानुन निर्माण तथा सुधारको कार्य मूलभूत रूपमा सम्पन्न भइसकेको प्रधानमन्त्रीको भनाइ छ । नेपालको संविधान जारी भएपछि हालसम्म नयाँ र संशोधनसमेत गरेर १९१ वटा ऐन निर्माण भएको प्रधानमन्त्रीले जानकारी दिए ।
विभिन्न मितिमा जारी भएका केही नेपाल ऐनलाई संशोधन गर्ने ऐनबाट प्रचलित कानुनहरूलाई नेपालको संविधान अनुकूल बनाउने कामसमेत सम्पन्न गरिएको प्रधानमन्त्रीले बताए । उनले नेपाल सरकारले सङ्घीय संसदमा पेश गरेका विभिन्न १५ वटा विधेयक संसदीय प्रक्रियामा रहेको र सङ्घीय निजामती सेवा विधेयक, विद्यालय शिक्षा सम्बन्धी विधेयक लगायतका महत्वपूर्ण विधेयकहरू छिट्टै सङ्घीय संसदमा पेश गर्ने गरी सरकारले प्रक्रिया अगाडि बढाइरहेको जानकारी दिए ।
साभार : अखबार नेपाल
