लोकतन्त्रमाथिको दमन स्वीकार्य छैन : शेरबहादुर देउवाफोहोरलाई स्रोत बनाउँदै व्यासको १४ लाख आम्दानी
२०८२ फागुन ११ सोमवार १०:२३
1.2K
shares
shares
तनहुँ । व्यास नगरपालिकाले फोहोरजन्य वस्तु बिक्रीबाट चालु आर्थिक वर्ष २०८२/८३ को सुरुवाती सात महिनामै १४ लाख ५० हजार ६११ रुपैयाँ आम्दानी गरेको छ । साउनदेखि माघसम्म संकलित पुनःप्रयोग योग्य वस्तु बिक्रीबाट उक्त आम्दानी भएको हो ।
फोहोर व्यवस्थापनको चुनौती सामना गर्दै आएको नगरपालिकाले घरबाटै कुहिने र नकुहिने फोहोर छुट्याएर संकलन गर्ने प्रणाली लागू गरेको जनाएको छ । नगरपालिकाले नकुहिने फोहोरभित्रका सिसा, प्लास्टिक र कागज अलग गरी मेसिनमार्फत कम्प्रेस गरेर बिक्री गर्ने गरेको छ ।
नगरपालिकाले टोल, वडा र विद्यालयस्तरमै पुगेर फोहोर वर्गीकरणसम्बन्धी जनचेतना कार्यक्रम पनि सञ्चालन गरिरहेको छ । ३२ वर्षसम्म स्थायी समाधान हुन नसकेको फोहोर व्यवस्थापन समस्यालाई दीर्घकालीन रूपमा समाधान गर्न जग्गा व्यवस्थापनमा पहल भइरहेको पनि नगरपालिकाले जनाएको छ ।
