वीरगन्जको मुख्य सडकमा चल्यो दर्जन डोजर, करिब १२०० घरटहरा भत्काइँदैस्थानीय जनप्रतिनिधि प्रचारप्रसारमा सहभागी भएको प्रति निर्वाचन आयोगको गम्भीर ध्यानाकर्षण
२०८२ फागुन ११ सोमवार १०:३५
658
shares
shares
काठमाडौँ । निर्वाचन आयोगले स्थानीय तहका जनप्रतिनिधिलाई निर्वाचन प्रचारप्रसारमा सहभागी नहुन ध्यानाकर्षण गराएको छ । निर्वाचनमा स्वतन्त्रता, स्वच्छता, निष्पक्षता, पारदर्शिता, मितव्ययिता तथा भयमुक्त वातावरण कायम राख्न आयोगले जनप्रतिनिधिलाई आग्रह गरेको हो ।
निर्वाचन आचारसंहिता २०८२ लागू गरेको विषय उल्लेख गर्दै आयोगले सो आचारसंहिताको पूर्णपालना गर्नु सरोकारवाला पक्षको दायित्व भएको स्मरण पनि गराएको छ । सबै राजनीतिक दल, उम्मेदवार र सम्बन्धित पक्षले निर्वाचन आचारसंहिताको पूर्ण पालनाको विषयमा आयोगले अनुगमन गरिरहेको छ ।
स्थानीय तहका केही जनप्रतिनिधि निर्वाचन आचारसंहिताविपरीत राजनीतिक दल तथा उम्मेदवारको प्रचारप्रसारमा सहभागी भइरहेका छन् । यसप्रति गम्भीर ध्यानाकर्षण भएको आयोगले जनाएको छ ।
निर्वाचन आचारसंहितामा स्थानीय कार्यपालिकाका पदाधिकारीले आफू बहाल रहेको स्थानीय तहबाहेक अन्य स्थानीय तहमा सम्बन्धित राजनीतिक दलको निर्वाचन प्रचारप्रसारमा संलग्न हुनसक्ने भए पनि सरकारी स्रोत र साधनको प्रयोग गर्न नपाइने स्पष्ट व्यवस्था छ । निर्वाचन आचारसंहिता प्रतिकूल हुने गरी निर्वाचन प्रचारप्रसारमा सहभागी नहुन आयोगले सचेत गराएको छ ।
