त्रिवि स्ववियू सभापतिलाई सिनेटबाट नहटाउनु : सर्वोच्च अदालतपोखरादेखि ३४ यात्रु लिएर काठमाडौँ जाँदै गरेको बस धादिङमा दुर्घटना
२०८२ फागुन ११ सोमवार १०:०८
896
shares
shares
काठमाडौं । धादिङको बेनीघाट रोराङ गाउँपालिका–५ भैँसीगौडामा सोमबार बिहान दुर्घटना भएको बस पोखराबाट ३४ यात्रु लिएर काठमाडौँका लागि छुटेको पृथ्वी राजमार्ग बस सञ्चालक समितिले जनाएको छ ।
पोखराको पर्यटक बसपार्कबाट आइतबार साँझ ७ बजे छुटेको ग.१ख १४२१ नं. उक्त बसमा ३४ यात्रुसहित चालक र दुईजना बसका कर्मचारी सवार थिए ।
पोखरादेखि बस छुट्दा चालक, कर्मचारीसहित बसमा ३७ जना सवार रहेकोमा बीच बाटोमा अन्य यात्रु पनि चढेको प्रहरीको अनुमान छ । बस दुर्घटनामा परी १८ जनाको मृत्यु भएको छ भने २४ जना घाइते भएका छन् । दुर्घटनास्थलमा १७ र उपचारका क्रममा काठमाडौंको ट्रमा सेन्टरमा एक जनाको मृत्यु भएको प्रहरीले जनाएको छ ।
