काठमाडौं-३ मा रास्वपाका राजुनाथ पाण्डे निर्वाचितप्रेमदेव गिरीलाई जगदम्बा–श्री र उपन्यास “उरमाल”लाई मदन पुरस्कार २०८१ अर्पण गरिने
२०८२ भदौ ६ शुक्रवार १३:१७
329
shares
shares
काठमाडौँ । मदन पुरस्कार गुठीले २०८१ को जगदम्बा–श्री र मदन पुरस्कारको सूची सार्वजनिक गरेको छ ।
शुक्रबार बसेको मदन पुरस्कार गुठीको साधारण सभाले विगत पाँच दशकदेखि लोक–संस्कृति क्षेत्रमा सक्रिय श्री प्रेमदेव गिरीलाई “लोक भाका सङ्कलन र संरक्षणमा विशिष्ट योगदान गरेवापत” वर्ष २०८१ सालको जगदम्बा–श्री अर्पण गर्ने निर्णय गरेको छ ।
त्यसैगरी सोही बैठकले २०८१ सालमा प्रकाशित पुस्तकहरुमध्येबाट श्री छुदेन काविमोद्वारा लिखित उपन्यास “उरमाल” पुस्तकलाई मदन पुरस्कार २०८१ अर्पण गर्ने निर्णय गरेको छ ।
यस प्रयोजनका लागि २९९ ओटा पुस्तकहरु प्राप्त भएको र ती मध्ये सात पुस्तकहरु क्रमशः उरमाल (छुदेन काविमो), छालबाटोः कैलाशदेखि गङ्गासम्म (समेश भुसाल), दर्ज्यु संलाप (कुमारी लामा), पञ्चतत्वको पालाम (मनप्रसाद सुब्बा), बहुरुपी (श्रेयज सुवेदी), भिक्षु, व्यापार र विद्रोह : नेपालको भोट–चीन सम्बन्ध र भारत (सुधीर शर्मा) र हिउँको गीत (तीर्थ गुङ) ‘मदन पुरस्कार श्रेष्ठ सूची २०८१’ का निम्ति छनौट भएका थिए ।
मदन पुरस्कार गुठीले नेपाल तथा नेपालबाहिरबाट नेपाली भाषामा प्रकाशित पुस्तकहरुमध्येबाट एक पुस्तकलाई मदन पुरस्कार तथा विभिन्न माध्यमबाट नेपाली भाषा, वाङ्मय र संस्कृतिको श्रीवृद्धिमा योगदान गर्ने व्यक्ति/संस्थालाई जगदम्बा–श्री पुरस्कार अर्पण गर्दै आएको छ ।
