सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिएनआरएनए महासचिवमा रामशरण सिम्खडाले उम्मेदवारी दिने
२०८२ फागुन १० आइतवार १२:३१
525
shares
shares
काठमाडौँ । गैरआवासीय नेपाली संघ (एनआरएनए)का उपाध्यक्ष रामशरण सिम्खडा (बेलायत)ले १२औँ महाधिवेशनमा महासचिवमा उम्मेदवारी दिने हुनुभएको छ । एनआरएनएको १२औँ महाधिवेशन फागुन ३० देखि चैत २ सम्म काठमाडौँमा हुँदै छ ।
हाल उपाध्यक्ष भए पनि संस्थाको पुन:संरचना र सबैको साझा बनाउने भिजनसहित उहाँले गत महाधिवेशनमा भएको सहमतिअनुसार महासचिवमा उम्मेदवारी दिन लाग्नुभएको हो । त्यसबेला उपमहासचिवमा कार्यरत सिम्खडा महासचिवका प्रबल दाबेदार भए पनि ११औँ महाधिवेशनमा टिम मिलाउनैकै लागि उपाध्यक्ष बन्नुभएको थियो ।
विगतमा भएको टुटफुटका कारणले उत्पन्न समस्याका बीच एनआरएनएलाई पहिलेको जस्तै प्रतिष्ठित अवस्थामा फर्काउन ठोस कार्ययोजना र एजेन्डासहित चुनावी मैदानमा होमिन लागेको उहाँले बताउनुभएको छ ।
केही महिनाअघि मात्रै दुई समूहमा रहेको एनआरएनए एकताबद्ध भएर महाधिवेशन गर्ने समझदारी भएको थियो । सोही समझदारीअनुसार एनआरएनएको महाधिवेशन हुँदै गर्दा संस्थाको महासचिवको रूपमा प्रभावकारी काम गर्ने योजनाका साथ आफू मैदानमा होमिन लागेको उहाँले बताउनुभयो ।
जनवरी २४ का दिन भर्जुअल माध्यमबाट संकल्प पत्रसहित उम्मेदवारी घोषणा गर्ने उहाँको तयारी छ । हालसम्म एनआरएनएको अध्यक्षमा रोबिन शेरचन र हेमराज शर्माले उम्मेदवारी घोषणा गर्नुभएको छ ।
