रास्वपा सभापति लामिछानेद्वारा विजयादशमीको शुभकामना, विपत्तिमा एकताबद्ध हुन आह्वाननिबन्धकार बोधराज पौडेलको ‘सोकेसको ऐना’ माथि निर्मम चिरफार
२०८१ भदौ २३ आइतवार ०६:०९
1.71K
shares
shares
काठमाडाैँ । नेपाली साहित्यमा क्रियाशील स्रष्टाहरूले सुरु गरेको ‘आफू विरूद्ध आफैँ’ अभियानको दोस्रो श्रृंखलामा निबन्धकार बोधराज पौडेलको ‘सोकेसको ऐना’ माथि निर्मम चिरफार गरिएको छ ।
अभियानकर्ताहररूले समकालीन लेखनका दिशा र प्रवृत्तिगत वैशिष्ट्यबारे विमर्श गर्दै संग्रहित निबन्धको चिरफार गरेका थिए। लेखनको विषय वस्तु र शिल्प विन्यासमा नवीनताको खोजी तथा आफ्नै लेखनको सीमा र शक्तिबारे आत्मसमीक्षा गर्ने गरी अभियानमा साहित्यकार तथा समालोचक आर एम डंगोलले समकालीन निबन्ध साहित्यमा पौडेलको उपस्थिति चिरस्थायी हुनेहुँदा निरखतलाई जोड दिनुपर्ने बताए। ‘संग्रहमा रहेका निबन्ध उत्कृष्ट रहेका छन् जीवन र प्रकृतिको सानिध्य तथा प्रगतिशील चेतले ओतप्रोत रहेका छन्’, समालोचक डंगोलले भने।
कार्यक्रममा अभियान्तहररू नवराज रिजाल, होमशंकर बास्तोला, छविरमण सिलवाल र प्रतिरोध कार्कीले पौडेलको लेखन शैली, आञ्चलिकता र जीवन भोगाइको विषयमा चर्चा गरेका थिए। निबन्धकार पौडेलले आगामी लेखन र विगत आगत कोट्याउँदै समकालीन अवस्थाको साहित्य लेखनबारे चर्चा गरेका थिए।
