लोकतन्त्रमाथिको दमन स्वीकार्य छैन : शेरबहादुर देउवागजल : जगत खड्का ‘दोलखाली’
२०७९ चैत २० सोमवार ०९:१३
1.46K
shares
shares
पुरानै हो दुखेको मन जलेको खत पुरानै हो
सधैं हेरेर तस्विर सम्झिने आदत पुरानै हो
लगाई राख्न मन लाग्छ सह्माली राख्न मन लाग्छ
उडाई दिन्छ गलबन्दी हुरीको लत पुरानै हो
किनारामै सीमित देखें मिलनको पल किनाराका
नदीका यी किनारा सङ्गको संगत पुरानै हो
यहीँ पिरती बसेको हो यहीँ वचपन सकेका हौं
बनेको हो नयाँ आँगन यो घरको छत पुरानै हो
नभेटेको नदेखेको युगौं युग भो उनीलाई
उनी आफ्नै बनून् भन्ने प्रेमिल चाहत पुरानै हो
