म नेता बनेर होइन, राष्ट्रको आजीवन नागरिक बनेर फर्किएको छु : शेरबहादुर देउवागीत : हतारिएर हुन्न चाँडो
२०८३ जेठ १ शुक्रवार ०१:०१
5.28K
shares
shares
हतारिएर हुन्न चाँडो
महिला: हतारिएर हुन्न चाँडो‚ तिखारेर हुन्न काँडो
व्यर्थै किन पछि लाग्छौ, पानी पाकी हुन्न फाँडो
पुरुष: जवानी हो खोला जस्तै, बगिजान्छ पर्खिदैन
आकाशमा छैन बादल, पानी त्यसै बर्सिदैन
महिला: सुटुक्कै के-के गर्छौ, भुसुक्कै भुलाइदिन्छौ
हुरुक्कै भएँ भन्दै, लुसुक्कै कता भाग्छौ?
पुरुष: सलाईको काँटी जस्तै, मायाले दियो बालिदिन्छ
माया त झिल्को नै हो, सबै सारा जलाइदिन्छ
महिला: खहरे जति उर्ले पनि, पुग्ने ठाम समुद्रै हो
माया जति पोखे पनि, तिम्रो माया एकुन्दै हो
पुरुष: अहिले उमेर नापी बस, अजम्बरी कोही छैन
बैँसलाई च्याँपी बस, बित्तो जोवन आउने छैन
दुवै: बैँसको बेला यस्तै हो माया, कसले पो यहाँ बुझ्छ र ?
साँचो माया गर्ने नै हो, जुनी जुनी को नै बाँच्छ र !
………………………
– श्रमिक बराल‚ पोखरा
