रास्वपा सभापति लामिछानेद्वारा विजयादशमीको शुभकामना, विपत्तिमा एकताबद्ध हुन आह्वानजेनजी आन्दोलनका शहीद परिवारका लागि १२ करोड प्रस्ताव
२०८२ माघ २० मंगलवार ०५:३६
1.96K
shares
shares
काठमाडौं । सरकारले जेनजी आन्दोलनका शहीद परिवारका लागि करिब १२ करोड रुपैयाँ वितरण गर्ने भएको छ । ‘जेनजी शहीद परिवार कल्याणकारी समाज’का लागि ११ करोड ९० लाख २८ हजार रुपैयाँ अनुदान रकम वितरणको प्रस्ताव अर्थ मन्त्रालय पुगेको हो ।
मन्त्रिपरिषदको पुस २१ को बैठकले कल्याणकारी समाजका लागि कल्याणकारी कार्यक्रम सञ्चालन गर्न रकम उपलब्ध गराउने निर्णय गरेबमोजिम शहीद परिवारलाई वितरण गर्ने रकमसहितको कार्यक्रम खाका आइपुगेको अर्थ मन्त्रालय स्रोतले जनाएको छ ।
भदौ २३ र २४ गते भएको जेनजी आन्दोलनमा ७६ जनाको मृत्यु भएकोमा सरकारले ४२ जनालाई शहीद घोषणा गरेको छ । शहीदका परिवारलाई सरकारले १० वर्षसम्म मासिक २१ हजार आठ सय रुपैयाँको दरले वितरण गर्ने तयारी गरेको छ । निर्णयअनुसार प्रत्येक वर्ष चाडबाड भत्तासहित १३ महिनाको सुविधा जेनजी शहीद परिवारले पाउने छन् ।
