रास्वपा सभापति लामिछानेद्वारा विजयादशमीको शुभकामना, विपत्तिमा एकताबद्ध हुन आह्वानराज्य व्यवस्था समितिका सभापति रामहरि खतिवडाद्वारा राजीनामा
२०८२ साउन २७ मंगलवार ११:१०
1.81K
shares
shares
काठमाडौं । प्रतिनिधि सभाअन्तर्गतको राज्य व्यवस्था तथा सुशासन समितिका सभापति रामहरि खतिवडाले सभापति पदबाट राजिनामा दिनुभएको छ ।
मंगलबार प्रतिनिधि सभाको बैठकमा बोल्दै उहाँले राजीनामाको घोषणा गर्नुभएको हो । यसअघि राज्य व्यवस्था समितिबाट पारित भएको विधेयकको प्रतिवेदनमा गम्भीर त्रुटि भएको संसदीय छानबिन समितिले निष्कर्ष निकालेको थियो ।
प्रतिवेदन आइसकेपछि सभापति खतिवडामाथि समेत प्रश्न उठिरहेका बेला उहाँले राजिनामा दिनुभएको हो ।
खतिवडाले आफू सुरुदेखि सरकारी कर्मचारीका लागि कुलिङ पिरियड लागू हुनुपर्छ भन्नेमा अडिग रहेको र भविष्यमा समेत रहिरहने बताउनुभयो ।
निजामती विधेयकमा भएको त्रुटि आफू र राज्य व्यवस्था समितिका सदस्यहरूबाट नभएको तर अन्तिम रुपमा गहिरिएर नहेर्नु कमजोरी रहेको स्वीकारसमेत गर्नुभयो ।
