वीरगन्जको मुख्य सडकमा चल्यो दर्जन डोजर, करिब १२०० घरटहरा भत्काइँदैअमेरिकाले लगायो १२ देशका नागरिकलाई यात्रा गर्न प्रतिबन्ध
२०८२ जेठ २२ बिहीवार ०८:२५
483
shares
shares
एजेन्सीः अमेरिकी राष्ट्रपति डोनाल्ड ट्रम्पले १२ देशका नागरिकलाई अमेरिका यात्रा गर्न प्रतिबन्ध लगाएका छन् । ह्वाइट हाउसका अनुसार ट्रम्पले यात्रा प्रतिबन्धसँग सम्बन्धित आदेशमा हस्ताक्षर गरेका हुन् । ती देशमा अफगानिस्तान, म्यानमार, चाड, कंगो गणराज्य, इक्वेटोरियल गिनी, इरिट्रिया, हैटी, इरान, लिबिया, सोमालिया, सुडान र यमन छन् ।
यस्तै बुरुन्डी, क्युबा, लाओस, सियरा लियोन, टोगो, तुर्कमेनिस्तान र भेनेजुएलालगायत अन्य सात देशका नागरिकलाई पनि अमेरिका यात्रामा आंशिक रूपमा प्रतिबन्ध लगाइएको छ । अमेरिकाले अमेरिकीहरूलाई ‘खतरनाक विदेशी तत्त्व’बाट जोगाउन यस्तो प्रतिबन्ध लगाइएको बताएको छ ।
यो प्रतिबन्ध यही जुन ९, सोमबारदेखि लागु हुने अमेरिकाले जनाएको छ । आफ्नो पहिलो कार्यकालमा सन् २०१७ मा पनि ट्रम्पले यस्तै आदेशमा हस्ताक्षर गरेका थिए ।
