त्रिवि स्ववियू सभापतिलाई सिनेटबाट नहटाउनु : सर्वोच्च अदालतनेपालको ऐतिहासिक जित : भारतलाई पछि पार्दै नेपाल महिला साफ च्याम्पियनसिपको फाइनलमा प्रवेश
२०७९ भदौ ३१ शुक्रवार १४:५६
763
shares
shares
काठमाडौं । भारतलाई पछि पार्दै नेपाल महिला साफ च्याम्पियनसिपको फाइनलमा पुगेको छ ।
त्रिपुरेश्वरस्थित दशरथ रंगशालामा भएको खेलमा नेपालले प्रतिद्वन्द्वी भारतमाथि १–० को जित हात पारेको हो । महिला साफ च्याम्पियनसिपको इतिहासमा नेपालले भारतलाई हराएको यो पहिलो पटक हो ।
नेपालका लागि रश्मीकुमारी घिसिङले निर्णायक गोल गरेकी थिइन् । पहिलो हाफको अन्तिम मिनेटमा प्रिती राईको पासमा उनले निर्णायक गोल गरेकी हुन् ।
पहिलो हाफमा अग्रता लिएपछि दोश्रो हाफमा नेपालले सुरुवातदेखि नै भारतमाथि दबाब बनाउन थालेको थियो ।
अब नेपालले उपाधिका लागि बंगलादेशसँग सोमबार खेल्नेछ ।
नेपाल फाइनलमा पुगेको भने पाँचौं पटक हो । यसअघि चार पटक नै नेपाल फाइनलमा भारतसँग पराजित भएको थियो ।
