सर्लाहीका चारवटै निर्वाचन क्षेत्रमा रास्वपाका उम्मेदवार निक्कै अगाडिश्री स्वस्थानी ब्रत कथा आरम्भ
२०७९ पुस २२ शुक्रवार १५:०६
168
shares
shares
आर्टिकल्स पेपर काठमाडौँ । पौष शुक्ल पूर्णिमादेखि माघ शुक्ल पूर्णिमासम्म प्रत्येक वर्ष एक महिना विधिपूर्वक गरिने स्वस्थानी ब्रत कथा एवम् माघस्नान सुरु भएको छ ।
श्री स्वस्थानी ब्रत कथाका अवसरमा काठमाडौँको साँखुस्थित शालीनदीमा एक महिनासम्म मेला लाग्ने गर्छ, आजदेखि उक्त मेलाको आरम्भ भएको छ । शालीनदीमा गई माघ महिनामा स्नान गरेर माधवनारायणको दर्शन गरेमा पाप पखालिनुका साथै पुण्य कमाइने धार्मिक विश्वास र मान्यता रहि आएको छ ।
पौष शुक्ल चतुर्दशीका दिनदेखि हात गोडाका नङ काटी स्नान गरी शुद्ध वस्त्र पहिरिएर यसको सुरुवात हुन्छ । बिहान माघ स्नान गरी नित्य मध्याह्नकालमा महादेवको पूजा गर्ने र बेलुकी स्कन्द पुराणको केदार खण्डअन्तर्गत माघ माहात्म्यको कुमार अगस्त्यबीच संवाद भएको स्वस्थानी ब्रत कथा सुन्ने सुनाउने परम्परा रही आएको छ ।
