भद्रपुर राजस्व कार्यालयद्वारा ८ महिनामा २ अर्ब ७० करोड संकलनभद्रपुर राजस्व कार्यालयद्वारा ८ महिनामा २ अर्ब ७० करोड संकलन
२०८२ चैत १ आइतवार १६:५४
308
shares
shares
झापा । आन्तरिक राजस्व कार्यालय भद्रपुरले चालु आर्थिक वर्षको पहिलो आठ महिनामा २ अर्ब ७० करोड ५८ लाख राजस्व संकलन गरेको छ । यो रकम लक्ष्यको ८०.४३ प्रतिशत हो।
कार्यालयका प्रमुख कर अधिकृत गोपालबहादुर थापाका अनुसार फागुनसम्म ३ अर्ब ३६ करोड ४१ लाख संकलन गर्ने लक्ष्य राखिएको थियो। आठ महिनामा आयकर, मूल्य अभिवृद्धि कर र अन्तःशुल्कबाट उक्त राजस्व उठेको कार्यालयले जनाएको छ।
निर्वाचनका कारण पछिल्लो समय बजार अनुगमन प्रभावित भएको उल्लेख गर्दै कार्यालयले आगामी दिनमा अनुगमन बढाएर लक्ष्य हासिल गर्ने तयारी गरेको जनाएको छ ।
