त्रिवि स्ववियू सभापतिलाई सिनेटबाट नहटाउनु : सर्वोच्च अदालतनिर्वाचन प्रचारप्रसारमा अवरोध गरे २ लाख जरिवाना, ३ वर्ष कैद
२०८२ फागुन १३ बुधवार ०७:१२
1.1K
shares
shares
काठमाडौं । प्रतिनिधिसभा निर्वाचनका क्रममा फरक राजनीतिक दल वा उम्मेदवारलाई प्रचारप्रसारमा अवरोध गरे दुई लाख रुपैयाँ जरिवाना हुने भएको छ ।
संघीय कानुनबमोजिम निर्वाचनको प्रचारप्रसार गर्न वा मतदानको अधिकार प्रयोग गर्नबाट वञ्चित गर्ने उद्देश्यले वाधा अवरोध पुर्याउने वा पुर्याउन लगाउने कार्य गरेमा दुई लाख जरिवाना वा तीन वर्षसम्म कैद वा दुवै सजाय हुने कानुनी व्यवस्था छ ।
निर्वाचन आयोगले प्रतिनिधिसभा सदस्य निर्वाचनमा सहभागी राजनीतिक दल वा उम्मेदवारको चुनावी प्रचारप्रसारलाई विभिन्न माध्यमबाट अनुगमन गरिरहेको पनि स्पष्ट पारेको छ ।
राजनीतिक दल, उम्मेदवार वा दलको भ्रातृ संगठन तथा सम्बन्धित व्यक्तिले पालना गर्नुपर्ने आचरण सम्बन्धमा निर्वाचन आचारसंहिता जारी भइसकेको छ । आचारसंहितामा कुनै राजनीतिक दल, उम्मेदवार वा दलको भ्रातृ संगठनले आयोजना गरेको जुलुस, आमसभा, कोणसभा, बैठक, भेला वा अन्य कार्यक्रम बिथोल्न वा कुनै प्रकारको बाधा अवरोध पुर्याउन नहुने उल्लेख छ ।
