काठमाडौँ । कोशी प्रदेश सरकारमा नेपाली कांग्रेस सहभागी भएको छ । नेपाल कांग्रेसका प्रदेश महामन्त्रीसमेत रहेका खोटाङबाट निर्वाचित प्रदेश सभा सदस्य भुपेन्द्र राईको नेतृत्वमा सरकारमा सहभागी भएको हो । राई भौतिक पूर्वाधार मन्त्री बनेका छन् ।
यसैगरी भूमि राजवंशी भौतिक पूर्वाधार राज्यमन्त्री, खगेनसिंह हाङ्गाम उद्योग कृषि तथा सहकारी मन्त्री र सदानन्द मण्डल पर्यटन, वन, वातावरण मन्त्री बनेका छन् ।
गत साउन १२ मा नै सरकारमा सहभागी हुने निर्णय गरेको कांग्रेस कोइराला समूहको २ मन्त्रीको अडानका कारण सरकारमा सहभागी भएको थिएन । थप एक मन्त्री र एक राज्यमन्त्री केही दिनपछि कांग्रेसबाट सरकारमा सहभागी हुने नेताहरुले बताएका छन् ।