पुलहरू बाढीले बगाएपछि त्रिशूली नदीमाथि जिपलाइन, स्थानीय आशावादीसुरक्षा व्यवस्था सुदृढ गरेका छौँ, निर्धक्क भएर मतदानमा सहभागी हुनुहोला : गृहमन्त्री
२०८२ माघ २४ शनिवार ११:१७
1.36K
shares
shares
फाइल तस्बिर ।
काठमाडौं । गृहमन्त्री ओमप्रकाश अर्यालले प्रतिनिधिसभा सदस्य निर्वाचनका निम्ति सुरक्षा व्यवस्था सुदृढ गरिएको बताउनुभएको छ । निर्वाचन सुरक्षा र आचारसंहिता कार्यान्वयनबारे नुवाकोटका मुख्य निर्वाचन अधिकृतको कार्यालयमा जानकारी लिएपछि उहाँले भयरहित वातावरणमा चुनाव गराउन सुरक्षाको सुदृढ प्रबन्ध गर्न सरकार प्रतिबद्ध रहेको बताउनुभयो ।
‘वर्तमान सरकारको प्रमुख दायित्व चुनाव गराउनु भएकाले हाम्रो ध्यान शान्तिपूर्ण वातावरणमा चुनाव सम्पन्न गर्नेमा नै केन्द्रित छ । मतदातालाई निर्भिक भएर मतदानमा सहभागी हुन अनुरोध छ,’ गृहमन्त्री अर्यालले भन्नुभयो, ‘देशभर निर्वाचनको वातावरण बनेको छ ।’
मौसम पूर्वानुमान गर्ने निकाय र विज्ञहरुबाट फागुन २१ मा मौसम अनुकूल हुने जानकारी प्राप्त भएको पनि उहाँले जानकारी गराउनुभयो ।
