वीरगन्जको मुख्य सडकमा चल्यो दर्जन डोजर, करिब १२०० घरटहरा भत्काइँदैगजलः सामना पहाड
२०७९ माघ २२ आइतवार ०६:४१
511
shares
shares
बाँदरझुला, खलङ्गा, टिकापुरको आलो घाउ
जे जता भएनी चस्किन्छ यै छातीको छेउछाउ ।
सबै मिलि एउटै थालमा खान्थेउँ ढिडो आटो
कसले भन्यो अहिलेबाट माग छुट्टाछुट्टै भाउ
जे जता भएनी चस्किन्छ यै छातीको छेउछाउ ।
भन्छौ किन तेरो, मेरो, तराइ, पहाड, हिमाल
खोज्छौ आफैँ कतिन्जेल घर जलाउने ठाउँ
जे जता भएनी चस्किन्छ यै छातीको छेउछाउ ।
किन गर्ने आफन्तैमा अझै घात प्रतिघात
मनको मैलो पखाल्न एकताको गीत गाउ
जे जता भएनी चस्किन्छ यै छातीको छेउछाउ ।
हौ एउटै बगैँचाका पृथक पृथक सुन्दर फूल
नचुँडाइ अटुट प्रेममाला एक अर्कामा रमाउ
जे जता भएनी चस्किन्छ यै छातीको छेउछाउ ।
